எதிர்வரும் 03/12 2026 அன்று வாணியம்பாடி இஸ்லாமிய கல்லூரியில் நடக்க இருக்கும் மேன்மை மிக்க நமது வாப்பா நாயகம் கத்த சல்லாஹூ சிர்ரஹூல் அழீம் அவர்களின் ஆக்கங்கள் பற்றிய பன்னாட்டு கருத்தரங்கு நிகழ்வில் கலந்து சிறப்பிக்க, கல்லூரி சார்பாகவும், நமது ஏகத்துவ மெய்ஞான தமிழ்ச் சங்கம் சார்பாகவும் அனைவரையும் மகிழ்வோடு அழைக்கிறோம்.
விருந்தினர்களுக்கு உணவு மற்றும் ஏற்பாடுகள் செய்வதற்காக கல்லூரி நிர்வாகம் வேண்டிக் கொண்டதற்கு இணங்க,
கலந்து கொள்ள விருப்பமுள்ள சகோதரர்கள் தங்களுடைய பெயர்களை கீழ்கண்ட எண்ணுக்கு தவறாமல் வாட்ஸ் அப் மூலமாக தகவல் தரும்படி பணிவுடன் கேட்டுக்கொள்கிறோம்.
இஸ்மத் 7299954505
மேலும் நமது நாயகம் அவர்களின் ஆக்கங்கள் பற்றிய திறனாய்வு கட்டுரை எழுத விரும்பும் சகோதரர்கள் ஏற்கனவே விருப்பம் தெரிவித்த சகோதரர்கள் அனைவரும் எதிர்வரும் 17/11/2026 தேதிக்குள் சகோதரர் ஷர்புத்தீன் அவர்களுக்கு கீழ்க்கண்ட மின்னஞ்சல்
முகவரிக்கு அனுப்பி, உதவும்படி பணிவோடு வேண்டிக் கொள்கிறோம்.
S_SHARFUDDEEN@YAHOO.COM
நன்றிகளுடன் ஷாஜஹான்.
بِسْمِ اللَّهِ الرَّحْمَٰنِ الرَّحِيمِ
31-10-2026 | சனிக்கிழமை
சங்கைக்குரிய நம்முடைய ஷெய்கு நாயகத்தின் துஆ பரக்கத்தாலும், நல்லாசியாலும் இன்று நமது மதுரஸதுல் ஹஸனைன் ஃபீ ஜாமிஆ யாஸீன் அரபுக் கல்லூரியில் சிறப்புமிகு நிகழ்வுகள் இனிதே அரங்கேறின.
மரியாதைக்குரிய மௌலவி அல்ஹாஃபிழ் அபுத்தலாயில் Dr. M. ஷைகு அப்துல்லாஹ் ஜமாலி ஹழ்ரத் அவர்களின் தலைமையில்,
மாணவர்களின் திறமைகளையும் ஆற்றல்களையும் வெளிக் கொண்டுவரும் வகையில்
கிராஅத், கஸீதா, ஹதீஸ் மனனம், திருக்குறள் மனனம், வினாடி வினா மற்றும் பேச்சுப் போட்டிகள் சிறப்பாக நடைபெற்றன.
அத்துடன், பெற்றோர் – ஆசிரியர் கலந்தாய்வுக் கூட்டமும் சிறப்புற நடைபெற்றது.
அல்ஹம்துலில்லாஹ்.
தகவல் - தவ்லத் ஹக்கியுல்காதிரி சென்னை
சங்கைக்குரிய கௌதுஸ் ஸமான், வஸைபுல் அமான், ஜமாலிய்யா அஸ்ஸெய்யிது முஹம்மது மௌலாநா நாயகம் (அப்பா நாயகம் ) ரலியல்லாஹு அன்ஹு அவர்களின் புனிதக் கந்தூரி நிகழ்வு தென்னிலங்கை காலி (galle) யில் ஆத்ம சகோதரர் அஹ்மத் பாஹிம் ஹக்கிய்யுல் காதிரி அவர்களின் தாயாரின் இல்லத்தல் மிக சிறப்பாக நடைபெற்றுக்கொண்டிருக்கிறது, அஸர் தொழுகையை தொடர்ந்து மௌலிது ஸெய்யித் யாஸீன் மௌலானா (ரலியல்லாஹு அன்ஹு). மஹ்ரிப் தொழுகையைத் தொடர்ந்து புனித ராத்திப் மஜ்லிஸும், அப்பா நாயகம் பற்றி இயற்றப்பட்ட (ராத்திப் கிதாபில் வரும்) பைத்தும் ஓதப்படும்.
மதங்களின் ஆடை களைந்து மனிதத்தின் நிர்வாணம் போற்றும் மகத்துவப் பெருவெளி இது!
பல்கலைக்கழகங்களின்
கருப்பு அங்கிக்குள் அகப்படாத
ஏகப் பேரறிவை,
இதயப் பலகையில்
எழுதி வைக்கும் ஏகத்தவ மெய்ஞ்ஞானச்சபை இது!
தெருவோரங்களில்
முட்களாய்க் கிடந்து முகம் சுளிக்க வைத்தவர்கள்,
இங்கு
ரோஜா மொட்டுகளாய்
வாசனை வீசத் தொடங்குகிறார்கள்.
யாரோ மிதித்துப் போன
வெறும் கூழாங்கற்கள்,
இங்கு
ஒளியைச் செதுக்கி
வைரங்களாய் ஜொலிக்கின்றார்கள்!
ஆம்,
இவர்கள் காற்றைச் சுவாசிப்பதில்லை,
மனிதநேயத்தைச் சுவாசிப்பவர்கள்!
இங்கே,
சுடலைமணி நாடாரின் நெற்றிச் சாம்பலும்
சுல்தான் அப்துல் காதிரின் தொழுகை நறுமணமும்
ஒரே புள்ளியில் கரைகின்றன.
வேற்றுமையின் வேர்களை அறுத்துவிட்டு,
ஏகத்துவத்தின் ஏணியில் ஏறுகின்றார்கள்.
மதங்களை ஆயுதமாக்கி
அவர்கள்
சுவர்களை எழுப்புவதில்லை;
நெஞ்சங்களைச் சிறைபிடித்த
அந்தப் பேதச் சுவர்களை
அன்பின் கடப்பாரை கொண்டு
இடித்துக் கொண்டிருக்கிறார்கள்!
இவர்கள்
மதங்களின் எல்லையைக் கடந்த
மதமற்ற பெரு மதத்தின்
இறை மெய்ஞ்ஞானத் தேனைச் சுவைப்பவர்கள்!
இவர்கள் ஞானம் கற்பது
ஆகாயத்தில் பறக்கும் ஞானி ஆவதற்கல்ல;
பூமியில் காலூன்றி நிற்கும்
மனிதனாக வாழ்வதற்கு!
தன்னையறியும்
உயர் மெய்ஞ்ஞான விதையை
மனப்பயிரில் விதைத்துப் பார்...
அயோத்தியின் தெருக்களில் மட்டுமல்ல,
அகிலத்தின் திசைகளெங்கும்
அமைதிப் பூக்கள் பூத்துக் குலுங்கும்!
நூல்வெளியீடு 2008ம் ஆண்டு
இந்த கவிதை மருளில்லா மலர்கள் என்ற கவிதைத் தொகுப்பிலிருந்து சிறய மாற்றத்துடன் இங்கு தந்துள்ளேன்.
தமிழகத்தில் ஒரு ஊரில் கொம்புடன் காய்க்கும் தேங்காய்
பல ஆண்டுகளாக தொடர்ந்து இன்று வரை காய்த்து கொண்டிருக்கும்
அதிசயம் பற்றி யாரும் கேள்விப்பட்டதுண்டா?
ஆம் அதுதான் தஞ்சாவூர் மாவட்டம், அதிராம்பட்டிணம் அருகில் சேதுபாவசத்திரம் என்ற ஊருக்கு சமீபமாக இருக்க கூடிய சம்பைபட்டிணம் என்ற ஊரிலே இந்த அதிசயம் இன்றும் தொடர்ந்து நடந்து கொண்டு வருகிறது.
இந்த அதிசயத்திற்கு பிண்ணணியில் ஒரு வரலாற்று சம்பவம் உண்டு.
இந்த ஊருக்கு சுமார் 19 ஆம் நூற்றாண்டின் துவக்கத்தில் அரபு நாடான ஈராக்கிய தேசத்தின் புண்ணியதலமான பக்தாது நகரிலிருந்து புனித அஹ்லுல் பைத் குடும்பத்தைச் சார்ந்த
அந்நாட்டின் இராணுவ தளபதியாக திகழ்ந்த ஜமாலிய்யா மௌலானா(ரழி) அவர்கள் இறைஞானத்தை பரப்பும் பொருட்டு பக்தாதுலிருந்து துவங்கி பல தேசங்களுக்கு சென்று இறுதியில் நமது இந்தியாவின் தமிழகம் வந்தடைந்தார்கள். தமிழகத்தின் பற்பல ஊர்களுக்கு சென்று இறைஞானத்தை உயிர்ப்பித்தும், மார்க்க சேவைகளை செய்து வந்தார்கள்.
இறுதியாக மேற்படி சம்பைபட்டிணம் என்ற சிற்றூரில் மறவன்வயல் என்ற பகுதியில் தங்களுகென்று தைக்கியா அமைத்து தன்னுடைய
குடும்பத்துடன் வாழ்ந்து, பல மார்க்க சேவைகளையும் சமூகத்திற்கு தந்து கொண்டிருந்தார்கள். அங்கேயே அவர்கள்இறையடி சேர்ந்தார்கள்.
அவர்களின் திருவுடல் ஆங்கேயே அடக்கம் செய்யப்பட்டு அழகிய தர்ஹா ஷரீப் ஒன்றும் எழுப்பபட்டுள்ளது. இந்த பகுதி ஜமாலிய்யா அப்பா தோட்டம்
என்றும், மௌலானா தோட்டம் என்றும் உள்ளூர் மக்களால் அழைக்கப்படுகிறது.
காலங்கள் பல கழியும் அவ்வேளையில் அந்த ஊரில் வசித்த ஒருவர் மௌலானா தோட்டத்தில் காய்த்து குலுங்கும் தென்னை மரத்தில் அனுமதி இல்லாமல் தேங்காய் பறிப்பதை கண்ட ஒரு நல்லவர், யாருப்பா நீ? இது மௌலானா தோட்டத்தை சார்ந்த மரமல்லவா. அனுமதியின்றி
பறிக்கின்றாயே என்று கண்டித்தவுடன் அனுமதி இல்லாமல் தேங்காய் பறித்து கொண்டிருந்தவர், "மௌலானா தோட்டத்தில் உள்ள தேங்காய்களுக்கு கொம்பா முளைத்துள்ளது என்று கேலியாக கூற, அந்த வினாடியே அந்த தேங்காய் மரத்தில் உள்ள தேங்காய்களில் கொம்பு முளைத்தது.
இதை கண்ட அவன், பயந்து போய் பறித்த தேங்காய்களை அங்கயே போட்டு விட்டு ஓடிவிட்டான். அன்று முதல் இன்று வரை அந்த குறிப்பிட்ட மரத்திலிருந்து வெளியாகும் தேங்காய்களில் கொம்பு இருக்கும். அந்த மரத்திலிருந்து வெளியான கன்றுகள் பெரிய மரங்களாகி அந்த
மரங்களிலிருந்தும் இதை போன்றே கொம்புகளை உடைய தேங்காய்கள் காய்த்து கொண்டிருக்கும் அதிசயம் இன்றும் தொடர்ந்து நடந்து வருகிறது.
இன்றும் கூட அந்த பகுதியில் இந்த தேங்காய் விழுந்து கிடந்தாலோ, பார்த்தாலோ அந்த பகுதி மக்கள் இது ஜமாலிய்யா அப்பா தோட்டத்துடைய காய் என்று தர்ஹாவில் வைத்து விட்டு சென்று விடுவார்கள்.
மிகுந்த கராமத்துகளை உடைய இந்த மஹானின் தர்ஹாவிற்கு பல ஊர்களிலிருந்தும் பலர் ஸியாரத் செய்து தங்களின் நேர்ச்சைகளை செய்து, அந்த நேர்ச்சைகள் நிறைவேறியும் வருகிறது. *மிகுந்த கராமாத்துகளை உடைய மஹான் ஆவார்கள்.
இவர்கள் பூர்வீகத்தில் அரபி என்பதால், பல அரபு நூற்களையும் இயற்றியுள்ளார்கள். மக்கள் ஓதி பலன் பெறுவான் வேண்டி திக்ரு மஜ்லிஸ் கிதாபையும் அளித்துள்ளார்கள்.
இவர்களுடைய சந்ததியினர் பக்தாதிலும், இலங்கையிலும், இந்தியாவிலும் வாழ்ந்து வருகிறார்கள்.
வலிய்யுல் அக்பர், கௌதுஸ்ஸமான் ஜமாலிய்யா அப்பா(ரழி) அவர்களின் கந்தூரி நிகழ்வு ஒவ்வொரு வருடமும் ஹிஜ்ரி வருடம் ஜமாதுல் அவ்வல் பிறை 1 ல் நடைபெறும்.
இன்ஷா அல்லாஹ் (13-10-2026 செவ்வாய் கிழமை) சம்பைபட்டினத்தில் நடைபெற உள்ளது.
கந்தூரியில் கலந்து கொள்ளும் வாய்ப்பு உள்ளவர்கள் கலந்து கொண்டு
அப்பா நாயகம்(ரழி) அவர்களின் அருளாசிகளை அடைந்து கொள்வோம்.
மதுக்கூர்
ஜஉபர் ஸாதிக் ஹக்கிய்யுல் காதிரிய்.
அஸ்ஸலாமு அலைக்கும் வரஹ்மத்துல்லாஹி வபரக்காத்துஹு.
சங்கைக்குரிய வாப்பா நாயகம் அவர்களின் திரு உத்தரவுப்படி, வழமைபோன்று இன்று (15.10.2026) வியாழக்கிழமை மாலை மஃரிபுக்குப் பிறகு, சங்கைக்குரிய ஷைகு நாயகம் (கத்தஸல்லாஹு ஸிர்ரஹுல் அழீம்) அவர்களின் புனித தர்பாரில், புனித ராத்திபு ஷரீஃப் மஜ்லிஸ், கஸீதத்துல் அஹ்மதிய்யா & கஸீதத்துல் அவ்னிய்யா மஜ்லிஸ் ஆகியவை சிறப்பாக நடைபெற்றன.
மஜ்லிஸை, மதுரஸதுல் ஹஸனைன் ஃபீ ஜாமிஆ யாஸீன் அறபுக்கல்லூரி நாழிர் ஹழ்ரத் மெளலவி N. ஸயீது முஹம்மது ஆலிம் மிஸ்பாஹி ஹக்கிய்யுல் காதிரிய் அவர்கள் நடத்திட, மரியாதைக்குரிய தியாகி ஜனாப். K.S. அப்பாஸ் ஷாஜஹான் ஹக்கிய்யுல் காதிரிய் (துபை) அவர்களின் மதுரஸா பேராசிரியர் மெளலவி N. முஹம்மது ரபீஉத்தீன் ஆலிம் நூரி ஹக்கிய்யுல் காதிரிய் மற்றும் யாஸீனிய் மெளலவிமார்கள், திருச்சி, திண்டுக்கல், திருப்பத்தூர் உள்ளிட்ட ஊர்களில் இருந்து முரீதுப் பிள்ளைகள், முஹிப்பீன்கள் கலந்து கொண்டார்கள்.
நிறைவில், மஜ்லிஸில் கலந்து கொண்ட அனைவருக்கும், நார்ஸா சீரணி மற்றும் தப்ரூக் உணவு வழங்கப்பட்டன.
புனித தர்பாரில், முத்தான மஜ்லிஸுகளின் பொருட்டால், அனைவரது நல வளங்களுக்காகவும் நாட்ட தேட்டங்களுக்காகவும் பிரார்த்திக்கப்பட்டது.
ஆமீன். ஆமீன். யாரப்பல் ஆலமீன்.
- தவ்லத் ஹக்கியுல்காதிரி
அனைவருக்கும் அங்குள்ள ஊர் மக்கள் அனைவருக்கும் மதியம் தப்ரூக் உணவு வழங்கப்பட்டது.
இந் நிகழ்ச்சிகளை போட்டோ எடுத்து வழங்கியவர்
ஏகத்துவ மெய்ஞ்ஞான சபையின் சகோதரர்
சென்னை சலாவுதீன் ஹக்கியுல்காதிரி
--------------------------------------
கெளதுஸ்ஸமான் அஸ்ஸெய்யித் ஜமாலிய்யா மெளலானா (ரலி) வரலாறு :-
✨ நூற்கள் : அரபுமொழி, அறபுத் தமிழ் மொழிகளில் உரைநடையில் செய்யுள் எழுதுவதிலும் தனித்திறன் படைத்த மெளலானா அவர்கள்
குன்யத்துல் பாஸிலீன். மிப்தாஹுஸ்ஸாலிஹீன், மன்பஅதுல்இல்மிய்யா,
பரா இளுஸ்ஸாலிஹீன், துர்ரத்துல்காமிலீன்,
மன்பஅத்துர் ரஹ்மானிய்யா, பீஅஹ்காமின் நபவிய்யா,
துர்ரத்துல் ஆரிபீன் பீ அக்லாகிஸ்ஸாலிஹீன்
முதலான பல நூல்களை எழுதினார்கள். இந்நூல்களை எல்லாம் இவர்களே அச்சேற்றினார்கள்.
✨ மறைவு : நாடு நகரெங்கும் அலைந்து திரிந்து நாயன் பணியாற்றிய குருநாதர் அவர்கள் இறுதியாக பேராவூரணிக்கு அருகே அமைந்துள்ள சம்பைப்பட்டினம் என்னும் சிற்றூரில் தங்கள் திருக்குடும்பத்தாருடன் இறுதிக்காலம் வரை வாழ்ந்தார்கள்.
நூற்று நாற்பது வயது வரை உடல் நலத்தோடும் பலத்தோடும் வாழ்ந்த மெளலானா அவர்கள் ஹிஜ்ரி 1371 ஜமாதுல் அவ்வல் பிறை 1 திங்கள் ஸுபுஹுக்குச் சற்று முன்பு நான்கு மணிக்கு (28.1.1952) ஏக இறையை அடைந்தார்கள். இவர்களின் திருவுடல் சம்பைப்பட்டிணம் எனும் ஊரிலுள்ள மெளலானா தோட்டத்தில் நல்லடக்கம் செய்யப்பட்டது.
மெளலானா அவர்களின் தர்கா ஷரீஃப் அவர்களின் திருப்பேரர் குத்புஸ்ஸமான் ஸம்ஸுல் வுஜுத் ஜமாலிய்யா அஸ்ஸெய்யித் கலீல் அவுன் மெளலானா வாப்பா நாயகம் அவர்களின் முயற்சியில் அழகாக எழிலாக கட்டப்பட்டுள்ளது.
தாங்கள் வாழும்போது பல கராமத்துக்களை நடத்தி மக்களின் நாட்டங்களை நிறைவேற்றிய மெளலானா அவர்கள் மறைவுக்குப் பின்னரும் அவர்களை நாடி நிய்யத் செய்து தேடி வருவோருக்கு பல அற்புதங்கள் நிகழ்த்தி வருகிறார்கள்.
சங்கைமிகு குத்புஸ்ஸமான் ஷம்ஸுல் வுஜூத் ஜமாலிய்யா அஸ்ஸெய்யித் கலீல் அவ்ன் மெளலானா அல்ஹஸனிய்யுல் ஹுஸைனிய்யுல் ஹாஷிமிய் வாப்பா நாயகம் கத்தஸல்லாஹு ஸிர்ரஹுல் அழீம் அவர்கள்
#நபிகள்_நாயகம் ஸல்லல்லாஹு அலைஹிவஸல்லம் அவர்களின் #32ஆம்_வழித்தோன்றலும், குதுபுல் அக்தாப் #முஹியத்தீன்_அப்துல்_காதிர்_ஜீலானி கத்தஸல்லாஹு ஸிர்ரஹுல் அஸீஸ் அவர்களின் #19ஆம்_வழித்தோன்றலுமான
அல் ஆரிஃபுஸ் ஸமதானி வல் வலிய்யுல் வஹ்தானி வல் கௌதுல் பர்தானிய் அஷ் ஷெய்ஹ் #ஜமாலிய்யா_அஸ்ஸையித்_முஹம்மது_மெளலானல் காதிரிய்யுல் ஹஸனிய்யுல் ஹாஷிமிய்யுல் பக்தாதி ரலியல்லாஹூ அன்ஹு (#ஜமாலிய்யா_மௌலானா) அவர்களின் #79ஆவது புனித கந்தூரி ஜியாரத் விழா எதிர்வரும் 13ஆம் திகதி
#அத்தரீக்கத்துல்_ஹக்கிய்யத்துல்_காதிரிய்யாவின்_ஆத்மீகத்_தலைவர்
சங்கைமிகு #குதுபுல்_இலாஹி_கௌதுல்_வுஜூதி, அஷ்-ஷெய்கு, ஜமாலிய்யா அஸ்ஸெய்யிது #யாஸீன்_அலி_அல்_ஹஸனிய்யுல் #ஹுஸைனிய்யுல்_ஹாஷிமிய்_மௌலானா நாயகம் அவர்கள் முன்னிலையில் நடைபெறும்.
#நாள் : ஹிஜ்ரி 1448 ஜமாதுல் அவ்வல் பிறை 1 (13.10.2026) செவ்வாய்க்கிழமை,
காலை 10.00 மணியளவில் மௌலிது ஷரீஃப் ஓதியும், 11.30 மணியளவில் ராத்திபு
ஷரீஃப் ஓதியும் பகல் 1.30 மணியளவில் கந்தூரி தப்ரூக் (உணவு) வழங்கப்படும்.
#இடம் : தஞ்சை மாவட்டம் சம்பைப்பட்டினம் - மறவன் வயல்
சங்கைக்குரிய மௌலானா நாயகம் ரலியல்லாஹூ அன்ஹு அவர்களின் முரீதீன்கள், முஹிப்பீன்கள் அனைவரும் தவறாது கலந்து கொண்டு ஈருலக நற்பேறுகளை அடைந்து கொள்ளும்படிக் கேட்டுக் கொள்கிறோம்.
இவண் :
வாரிசுகள், கலீஃபாக்கள், முரீதுகள் சார்பாக கந்தூரி விழா குழுவினர்கள்
பேரன்புடையீர், அஸ்ஸலாமு அலைக்கும் வ ரஹ்மத்துல்லாஹி வ பரக்காத்துஹு.
பரிசுத்த ஹக்கின் மள்ஹரும், ஈருலக இரட்சகர் முஹம்மது முஸ்தஃபா ரசூலுல்லாஹி ஸல்லல்லாஹு அலைஹி வஸல்லம் அவர்களின் 34ஆம் தலைமுறைத் திருப்பேரரும் அன்னவர்களின் உள்ரங்க வெளிரங்க வாரிசும், கெளதுல் அஃலம் முஹிய்யுத்தீன் ஆண்டகை கத்தஸல்லாஹு ஸிர்ரஹுல் அஜீஸ் அவர்களின் 21ஆம் தலைமுறைத் திருப்பேரரும், சம்பூரணப் பிரதிநிதியும் காலத்தின் அதிபரும் ஆத்ம ஞான குருநாதருமான குத்புஸ்ஸமான் ஷம்ஸுல் வுஜூத் ஜமாலிய்யா அஸ்ஸய்யித் கலீல் அவ்ன் மெளலானா அல்ஹஸனிய்யுல் ஹுஸைனிய்யுல் ஹாஷிமிய் நாயகம் (கத்தஸல்லாஹு ஸிர்ரஹுல் அழீம்) அவர்களின் மூன்றாம் ஆண்டு கந்தூரி வைபவம்,
ஹிஜ்ரி 1448 ஜமாதுல் ஆகிர் பிறை 9 (18.11.2026) புதன்கிழமை பின்னேரம் (வியாழக்கிழமை இரவு), திருச்சியில் சங்கைக்குரிய வாப்பா நாயகம் (கத்தஸல்லாஹு ஸிர்ரஹுல் அழீம்) அவர்களின் புனித தர்ஹா ஷரீஃபில், இன்ஷா அல்லாஹ் கொடியேற்றத்துடன் தொடங்கி, ஜமாதுல் ஆகிர் பிறை 19 (29.11.2026) ஞாயிற்றுக்கிழமை காலை 10 மணி முதல்,
சங்கைக்குரிய வாப்பா நாயகம் குத்புல் இலாஹி கௌதுல் வுஜூதி ஜமாலிய்யா அஸ்ஸய்யித் யாஸீன் அலி மௌலானா அல்ஹஸனிய்யுல் ஹுஸைனிய்யுல் ஹாஷிமிய் நாயகம் அவர்களின் தலைமையில் புனித இராத்திபு ஷரீஃப் மஜ்லிஸ் மற்றும் புனித கந்தூரி விருந்துடன் சிறப்பாக நடைபெற இருப்பதால், முரீதுகள், முஹிப்பீன்கள், பக்தர்கள் அனைவரும் தவறாமல் புனித கந்தூரி வைபவத்தில் கலந்து கொண்டு, சங்கைக்குரிய வாப்பா நாயகம் (கத்தஸல்லாஹு ஸிர்ரஹுல் அழீம்) அவர்களின் பேரன்பையும், பேரருளையும் பெற்று, ஈருலக நற்பேறுகளையும் அடைந்து கொள்ளக் கோருகிறோம்.
வஸ்ஸலாம்.
---------------------------------------
> 18.11.2026 (புதன்கிழமை) மாலை மஃரிபில்:
கொடியேற்றத்துடன் தொடக்கம்.
> 18.11.2026 (புதன்கிழமை) முதல் 27.11.2026 (வெள்ளிக்கிழமை) மாலை வரை 10 நாட்கள் மஃரிபில்:
சங்கைக்குரிய யாஸீன் மௌலானா நாயகம் (ரலி) மௌலிது ஷரீஃப் மஜ்லிஸ்
> 28.11.2026 (சனிக்கிழமை) மாலை மஃரிபில்:
புனித சுபுஹான மௌலிது ஷரீஃப் மஜ்லிஸ் மற்றும் சங்கைக்குரிய யாஸீன் மௌலானா நாயகம் (ரலி) மௌலிது ஷரீஃப் மஜ்லிஸ்
> 29.11.2026 (ஞாயிற்றுக்கிழமை)
காலை 10 மணி:
புனித ராத்திபு ஷரீஃப் மஜ்லிஸ்
காலை 11.30 மணி முதல்:
ஆண்கள் ஜியாரத்
மதியம் 1.15 மணி:
லுஹர் தொழுகை & புனித கந்தூரி விருந்து.
மதியம் 2.00 மணி முதல் 5 மணி வரை மட்டும் :
பெண்கள் ஜியாரத்திற்கு அனுமதிக்கப்படுவார்கள்.
முக்கியக்கவனத்திற்கு:
இன்ஷா அல்லாஹ், புனித கந்தூரி தினத்தன்று, 29.11.2026 (ஞாயிற்றுக்கிழமை ) காலை 5.00 மணிமுதல் மாலை 5.00 மணி வரை, ஜே.ஜே. கல்லூரி அருகில் உள்ள மாயழகர் திருமண மண்டபத்தில் பெண்கள் மட்டும் தங்கிக்கொள்ள ஏற்பாடு செய்யப்பட்டுள்ளது.
-சங்கைக்குரிய திருக்குடும்பத்தார்கள் மற்றும் கலீபாக்கள்.